Qüvvəyə minmə tarixi: 14.11.2026 · Son yenilənmə: 14.11.2026
1. Çatdırılma üsulu
1.1. Sifarişlər yalnız iBox postamatlarına çatdırılır. Ünvana (qapıya qədər) və kuryerlə çatdırılma həyata keçirilmir.
1.2. Postamat sifariş rəsmiləşdirilərkən seçilir. Seçilmiş postamatın texniki nasazlığı və ya dolu olması halında iBox bağlamanı digər postamata yönləndirə bilər; belə halda postamat məlumatı sifarişdə yenilənir.
2. Çatdırılma və qablaşdırma haqqı
| Şərt | Haqq |
|---|---|
| Promo endirimindən sonrakı məhsul məbləği 30 ₼-dan azdırsa | 3,00 ₼ |
| Promo endirimindən sonrakı məhsul məbləği 30 ₼ və ya çoxdursa | Pulsuz |
| “Paketlə göndər” seçimi (istəyə bağlı) | +0,50 ₼ |
- Bonus pulsuz çatdırılma həddinin hesablanmasına təsir etmir.
- Promo endirimi və bonus çatdırılma və qablaşdırma haqqına tətbiq olunmur.
- Minimal məbləğ və haqlar Şirkət tərəfindən dəyişdirilə bilər. Sifarişə onun rəsmiləşdirildiyi an qüvvədə olan şərtlər tətbiq olunur və bu məbləğlər sifariş təsdiqlənməzdən əvvəl göstərilir.
3. Müddətlər və götürmə
3.1. Sifariş ödəniş təsdiqləndikdən sonra 2 iş günü ərzində seçilmiş postamata çatdırılır.
3.2. Bağlama postamata yerləşdirildikdən sonra telefon nömrənizə iBox tərəfindən PIN kod göndərilir. PIN kod eyni zamanda “Kabinet → Sifarişlərim” bölməsində göstərilir.
3.3. Bağlama postamata yerləşdirildiyi andan etibarən 48 saat ərzində götürülməlidir. Bu müddətdə götürülməyən bağlama iBox tərəfindən geri qaytarılır və sifarişin statusu “Geri qaytarıldı” olur. Bu halda ödənilmiş məbləğin qaytarılması müştəri xidməti vasitəsilə həll olunur.
3.4. Sifariş statusları “Sifarişlərim” bölməsində izlənilir: “Ödənildi — hazırlanır” → “Hazırlanır” → “Yoldadır” → “Postamatda — götürə bilərsiniz” → “Təhvil alındı”.
4. Bağlamanı qəbul edərkən
4.1. Bağlamanı postamatdan götürərkən qablaşdırmanın bütövlüyünü yoxlayın.
4.2. Zədələnmə, axma, çatışmazlıq və ya səhv məhsul aşkar edilərsə, bağlamanı götürdükdən sonra 24 saat ərzində info@pakfin.az və ya +994 51 215 67 87 vasitəsilə sifariş nömrəsi və foto ilə müraciət edin.
5. Məhsulun qaytarılması və dəyişdirilməsi
5.1. Qaytarılır və ya dəyişdirilir: daşınma zamanı zədələnmiş, qüsurlu (zavod qüsuru), yararlılıq müddəti keçmiş və ya səhv göndərilmiş məhsul. Bu halda məhsul dəyişdirilir və ya onun dəyəri qaytarılır; çatdırılma xərcini Şirkət ödəyir.
5.2. Qaytarılmır: uyğun keyfiyyətli məhsullar. Kimyəvi təmizlik və gigiyena məhsulları gigiyena və təhlükəsizlik səbəbindən qaytarılmır və dəyişdirilmir. Bu, istehlakçının Azərbaycan Respublikasının qanunvericiliyi ilə müəyyən edilmiş hüquqlarını məhdudlaşdırmır.
5.3. Qaytarma və ya dəyişdirmə qaydası (məhsulun geri göndərilməsi və ya ofisə təhvil verilməsi) müraciətə cavab olaraq bildirilir.
5.4. Dəyər ödənişin edildiyi karta, qanunvericiliyə və Epoint-in qaydalarına uyğun qaytarılır. Sifariş tam ləğv olunub pul qaytarıldıqda həmin sifarişdə istifadə olunmuş bonus balansa qaytarılır.
6. Sifarişin ləğvi
- Ödənilməmiş sifariş “Sifarişlərim” bölməsindən dərhal ləğv edilir.
- Ödənilmiş sifariş üçün bağlama iBox-a göndərilənədək ləğv tələbi göndərilir; təsdiqləndikdə pul karta qaytarılır. Sifarişi özünüz ləğv etdikdə istifadə olunmuş bonus geri qaytarılmır (yanır).
- Şirkət sifarişi ləğv etdikdə ödənilmiş məbləğ və istifadə olunmuş bonus tam qaytarılır.
Ətraflı: İstifadə şərtləri, bölmə 8.
7. Əlaqə
info@pakfin.az · +994 51 215 67 87 · Bakı, Qəzənfər Musabəyov küçəsi 16 · İş saatları: Bazar ertəsi – Cümə, 09:00–18:00